ព័ត៌មានជាតិ
នគរបាលស្រុកសង្កែឃាត់ខ្លួនជនសង្ស័យ០១នាក់ក្រោយគាស់បង្អួចកុដចូលលួចទ្រព្យសម្បត្តិ
ខេត្តបាត់ដំបង! កម្លាំងនៃអធិការដ្ឋាននគរបាលស្រុកសង្កែ សហការជាមួយកម្លាំងប៉ុស្ដិ៍នគរបាលរដ្ឋបាលកំពង់ព្រះ បានចុះធ្វើការស្រាវជ្រាវរហូតឃាត់ខ្លួនបានជនសង្ស័យចំនួន០១នាក់ជាមុខសញ្ញាគាស់បង្អួចកុដលោកចូលលួចយកអំភ្លឺបាស ខណៈប័ក្សពួកម្នាក់ទៀតរត់គេចខ្លួនបាត់។
លោកវរសេនីយ៍ទោ យុត តុងហូ អធិការនគរបាលស្រុកសង្កែ បានអោយដឹងថា កិច្ចចុះប្រតិបត្តិការខាងលើនេះធ្វើឡើងនៅវេលាម៉ោង០៧និង០០នាទី ថ្ងៃទី ១៩ ខែ មីនា ឆ្នាំ២០២៣ នៅចំណុចភូមិកំពង់ម្តោក ឃុំអូរដំបង២ ស្រុកសង្កែ ខេត្តបាត់ដំបង ក្រោយទទួលបានព័ត៌មានថាមានករណីជនសង្ស័យមិនស្គាល់អត្តសញ្ញាណ មិនដឹងចំនួន បានធ្វេីសកម្មភាពគាស់បង្អួចកុដចូលលួចយកទ្រព្យសម្បត្តិរបស់វត្តបញ្ញាធិការាម បាត់បង់ទ្រព្យសម្បត្តិរួមមាន អំភ្លឺបាសចំនួន០៣គ្រឿង និងម៉ាស៊ីនកាត់ឈេីខ្នាតតូចចំនួន០១គ្រឿង កាលពីថ្ងៃទី១៥ ខែមីនា ឆ្នាំ២០២៣ វេលាម៉ោង២១និង០០នាទី នៅចំណុចវត្តបញ្ញធិការាម ស្ថិតក្នុងក្រុមទី០៦ ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ។
ជនសង្ស័យត្រូវបានឃាត់ខ្លួន .ឈ្មោះ ប៉ោយ សំអាត ហៅ ប៉ាន់ ភេទប្រុស អាយុ១៩ឆ្នាំ មានទីលំនៅភូមិកំពង់ម្តោក ឃុំអូរដំបង២ ស្រុកសង្កែ ខេត្តបាត់ដំបង និងប័ក្សពួកម្នាក់ទៀតដែលរត់គេចខ្លួន.ឈ្មោះ ឃុត ឆាត ភេទប្រុស អាយុ១៨ឆ្នាំ មានទីលំនៅក្រុមទី១០ ភូមិបញ្ញា ឃុំកំពង់ព្រះ ស្រុកសង្កែ ខេត្តបាត់ដំបង ។
វត្ថុតាដកហូតបានរួមមាន! អំភ្លឺបាសចំនួន០៣គ្រឿង និងម៉ូតូមួយគ្រឿង ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១៦ លេខតួ/លេខម៉ាស៊ីនND១២៥ME-៩៤៤៩២១៨ ពាក់ផ្លាកលេខ បាត់ដំបង 1V-7886ដែលជាមធ្យោបាយជិះធ្វេីសកម្មភាព។
ក្រោយពីឃាត់ខ្លួនសាកសួររួចជនសង្ស័យខាងលើត្រូវបានកំលាំងនគរបាលស្រុកកំពុងកសាងសំណុំរឿងបញ្ជូនបន្តទៅការិយាល័ជំនាញដើម្បីចាត់ការតាមនីតិវិធីច្បាប់