រយៈពេល៩ខែឆ្នាំ២០២២នេះជើងហោះហើរកម្ពុជា-ចិន មានការកើនឡើង៣៣%
ភ្នំពេញ៖ ក្នុងរយៈពេល៩ខែឆ្នាំ២០២២នេះ ជើងហោះហើរកម្ពុជា–ចិន មានការកើនឡើង៣៣% មានកំណើនដល់៣៣% នៃជើងហោះហើរសរុបឆ្នាំ២០១៩ ។
បើតាមឯកឧត្តម ជា អូន រដ្ឋលេខាធិការ និងជាអ្នកនាំពាក្យនៃលេខាធិការដ្ឋានអាកាសចរណ៍ស៊ីវិល ប្រាប់នៅថ្ងៃទី៤ ខែតុលានេះថា ចាប់តាំងពីពាក់កណ្តាលខែកញ្ញាឆ្នាំ២០២២នេះ ក្រុមហ៊ុនអាកាសចរណ៍របស់ប្រទេសចិនមួយចំនួន បានបើកជើងហោះហើរត្រង់ទៅមកពីបណ្តាខេត្តចំនួន៨នៅប្រទេសចិន មកកាន់កម្ពុជា បានចំនួន៣០ជើងក្នុងមួយសប្តាហ៍ ហើយការមានជើងហោះហើរត្រង់កម្ពុជាចិននេះ បានធ្វើឡើងក្នុងខណៈរដ្ឋាភិបាលចិន កំពុងបន្ធូរបន្ថយលក្ខខ័ណ្ឌរឹត បន្តឹងគោលនយោបាយ Zero Covidនៅក្នុងប្រទេសចិន។
ឯកឧត្តម ជា អូន ប៉ាន់ប្រមាណថា ក្នុងខែកញ្ញានេះ ចំនួនជើងហោះហើរសរុបមានកំណើនប្រមាណ ៣៣%នៃចំនួនជើងហោះហើរសរុប ១០ម៉ឺន៤៧៧០ជើងក្នុងឆ្នាំ២០១៩នោះ ក្នុងនោះ អ្នកដំណើរអន្តរជាតិមកកម្ពុជា នឹងមានកំណើន២៦%បន្ថែមទៀត ហើយក្រៅពីនេះជាចំនួនជើងហោះហើរយន្តហោះដឹកទំនិញ៕
