លោកជំទាវ បាន ស្រីមុំ បន្តចូលរួមវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប៉ៃលិន រកដោះស្រាយជូនពលរដ្ឋ

ប៉ៃលិន ៖ លោកជំទាវ បាន ស្រីមុំ អភិបាលខេត្តប៉ៃលិន កាលពីរឹកថ្ងៃទី២០ ខែវិច្ឆិកា ឆ្នាំ២០២៣ បានអញ្ជើញដឹកនាំគណ:អភិបាលខេត្ត មន្ទីរ អង្គភាពជំនាញ អាជ្ញាធរក្រុងប៉ៃលិន ភូមិ សង្កាត់ទាំង៤ ចូលរួមវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប៉ៃលិន អាណត្តិទី៣ សម្រាប់ឆ្នាំ២០២៣ ក្រោមអធិបតីភាព ឯកឧត្តម ជា ចាន់ឌិន ប្រធានក្រុមប្រឹក្សាខេត្ត ។

តាមរយៈវេទិការផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តប៉ៃលិននេះ គឺ បានផ្តល់ឱកាសអោយប្រជាពលរដ្ឋ លើកឡើងនៅសំណូមពរនានា ដែលពលរដ្ឋចង់បាន ។

ជាការឆ្លើយតបទៅពលរដ្ឋ អាជ្ញាធរក្រោមការដឹកនាំរបស់លោកជំទាវ បាន ស្រីមុំ តែងតែដោះស្រាយភ្លាមដូចជា បញ្ហាខ្វះទីផ្សារកសិកម្ម បញ្ហាផ្លូវ ពលរដ្ឋមានការខ្វះខាតជាដើម ៕