ព័ត៌មានជាតិ
បេក្ខជន១៧៩នាក់ មកដាក់ពាក្យប្រឡងជា ជ្រើសរើសយោធិនអាវុធហត្ថ ខេត្តបន្ទាយមានជ័យ
បន្ទាយមានជ័យ ៖ នៅថ្ងៃទី២២ ខែកុម្ភៈ ឆ្នាំ២០២៣នេះ បញ្ជាការដ្ឋានកងរាជអាវុធហត្ថខេត្តបន្ទាយមានជ័យ មានបេក្ខជន ចំនួន១៧៩នាក់ បានដាក់ពាក្យ និងមកប្រឡងជ្រើសរើសយោធិនអាវុធហត្ថ ខេត្តបន្ទាយមានជ័យ ។
ការបើកវិញ្ញាសារនេះ ធ្វើឡើងក្រោមការរបស់លោកឧត្តមសេនីយ៍ត្រី ស៊ុន សម្បត្តិ មេបញ្ជាការរងកងរាជអាវុហត្ថខេត្ត ទទួលការងារកសាងកម្លាំង និងជាប្រធានក្រុមការងារជ្រេីសរេីសយោធិន កងរាជអាវុធហត្ថខេត្ត ដោយមានការជួបប្រជុំជាមួយក្រុមការងារទី២ នៃកងរាជអាវុធហត្ថលេីផ្ទៃប្រទេស ដឹកនាំដោយលោកឧត្តមសេនីយ៍ត្រី ឆាយ សួគ៌ា ស្នងការរង ស្នងការដ្ឋានកសាងកម្លាំង កងរាជអាវុធហត្ថលេីផ្ទៃប្រទេស ដេីម្បីពិភាក្សាលេីលក្ខណៈ នៃការប្រឡងជ្រេីសរេីសយោធិន នៃកងរាជអាវុធហត្ថខេត្ត ព្រមទាំងបានសំណេះសំណាលជាមួយបេក្ខជន ដែលបានដាក់ពាក្យប្រឡង ។
សូមបញ្ជាក់ថា នេះជាថ្ងៃទី១ ដែលត្រូវប្រឡងលេី០៤វិញ្ញាសារ រួមមាន ៖ ១-វាស់កម្ពស់ ២-ថ្លឹងទម្ងន់, ៣- ធ្វេីតេស្តឈាមរកមេរោគ និង៤-ធ្វើតេស្ត រកសារធាតុញៀន ។ ចំពោះវិញ្ញាសារប្រឡង សរុបមាន១០វិញ្ញាសារ ដែលមានរយៈពេល០៣ថ្ងៃ ដោយគិតចាប់ពីថ្ងៃទី២២ ដល់ ២៤ ខែកុម្ភៈ ឆ្នាំ២០២៣ ៕