ព័ត៌មានជាតិ
សមត្ថកិច្ចថៃ រកឃើញម៉ូតូ៣៧គ្រឿង ដែលចោរលួចលាក់ទុកក្បែរព្រំដែន តៀមនាំចេញទៅក្រៅប្រទេស
ប្រទេសថៃ ៖ សមត្ថកិច្ចថៃ បានស្រាវជ្រាវរកឃើញម៉ូតូ៣៧គ្រឿង ដែលចោរលួចយកមកលាកទុកនៅក្រោយផ្ទះមួយកន្លែង ជាប់ព្រំដែនថៃកម្ពុជា នៃឃុំប៉ានសឿក ស្រុកអារញ្ញប្រាថេត ខេត្តស្រះកែវ ប្រទេសថៃ ត្រៀមនាំចេញទៅកម្ពុជា កាលពីថ្ងៃទី១៣ ខែមីនា ឆ្នាំ២០២៣ ។
ការបង្រ្កាបនេះ ក៏មានការសហការជាមួយប៉ប៉ុស្តិទី១៣ និងប៉ុស្តិ៍នគរបាលព្រែកណាំសៃ ដោយបានធ្វើការចុះល្បាតដើម្បីទប់ស្កាត់ និងស្ទាក់ចាប់សកម្មភាពខុសច្បាប់ តាមច្បាប់គយក្នុងតំបន់ទទួលខុសត្រូវ រហូតរកឃើញម៉ូតូសង្ស័យគ្មានស្លាកលេខ ក្នុងតំបន់ខាងក្រោយផ្ទះ ដែលជាគោលដៅតាមខ្សែបន្ទាត់ព្រំដែនកងកម្លាំងយោធាចុះឆែកឆេរផ្ទះគោលដៅ បានរកឃើញ ម៉ូតូចំនួន៣៧គ្រឿង ដែលត្រៀមនាំចេញទៅកាន់ប្រទេសកម្ពុជា និងបានធ្វើការពិនិត្យយ៉ាងហ្មត់ចត់ គឺជា ម៉ូតូដែលក្រុមចោរបានជួល ហើយយកមកលក់ ។ បន្ទាប់មក ម៉ូតូទាំងអស់ត្រូវបានបញ្ជូនទៅប៉ុស្តិ៍នគរបាលឃុំខ្លងណាំសៃ ស្រុកអារញ្ញ ខេត្តស្រះកែវ និងស្វែងរកជជនពាក់ព័ន្ធមកផ្តន្ទាទោសតាមច្បាប់ ។
សូមបញ្ជាក់ថា ទីតាំងនៃការបង្រា្កបខាងលើ គឺឈមនិងទឹកដីកម្ពុជា ដែលមានភូមិសាស្ត្រជាប់នឹងស្រុកម៉ឡៃ ខេត្តបន្ទាយមានជ័យ និងស្រុកសំពៅលូន ខេត្តបាត់ដំបង ៕
