ព័ត៌មានជាតិ
ឧត្ដមសេនីយ៍ត្រី អ៊ី ចំរើន ដឹកនាំក្រុមការងារមនុស្សធម៌ចុះសួរសុខទុក្ខមន្រ្តីកំពុងសម្រាក់ព្យាបាលជំងឺធ្ងន់ធ្ងរ
បន្ទាយមានជ័យ៖ ដោយមានការយកចិត្តទុកដាក់ដល់មន្រ្តីក្នុងអង្គភាពលោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេស៍ច្រកទ្វារអន្តរជាតិប៉ោយប៉ែត កាលពីថ្ងៃទី០៩ ខែសីហា ឆ្នាំ២០២២ បានដឹកនាំក្រុមការងារមនុស្សធម៌របស់ប៉ុស្តិ៍ ចុះសួរសុខទុក្ខដល់បន្ទប់ជួលលោកអនុសេនីយ៍ឯក ចាន់ ដាណូ ឋានៈនាយរងផ្នែកនៃប៉ុស្តិ៍នគរបាលច្រកទ្វារដែលមានជំងឺលើសឈាមធ្ងន់ធ្ងរ បច្ចុប្បន្នកំពុងស្នាក់ព្យាបាលនៅបន្ទប់ជួល ស្ថិតក្នុងភូមិក្បាលស្ពាន២ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
នាឱកាសចុះសួរសុខទុក្ខនេះផងដែរ លោកឧត្ដមសេនីយ៍ត្រី បាននាំយកនៅអំណោយជាថវិកា និងគ្រឿងឧបភោគបរិភោគមួយចំនួនដែលបានមកពីការចូលរួមឧបត្ថម្ភរបស់មិត្តរួមការងារក្នុងអង្គភាព និងមួយចំនួនទៀតគឺជាថវិការបស់លោកផ្ទាល់ជូនដល់អ្នកជំងឺ ។
អំណោយទាំងនោះរួមមាន៖
– ថវិកាចំនួន ៦,០០០,០០០៛ (ប្រាំមួយលានរៀលគត់)ក្នុងនោះមិត្តរួមការងារ ២លានរៀលនិងលោកនាយប៉ុស្តិ៍ ៤លាន់រៀល។
– អង្ករ ៥០គីឡូក្រាម
– ត្រីខ ០១កេសធំ
– មី ០១កេសធំ
– ទឹកដោះគោឆៅ ០១កេសធំ
– ទឹកក្រូច ០៥យួរ
លោកឧត្ដមសេនីយ៍ត្រី អ៊ី ចំរើន នាយប៉ុស្តិ៍នគរបាលអន្តោប្រវេសន៍ច្រកទ្វារអន្តរជាតិប៉ោយប៉ែត បានឱ្យដឹងទៀតថា ជាការយកចិត្តទុកដាក់ដល់មន្រ្តីក្នុងអង្គភាពនិងអនុវត្តតាមការណែនាំរបស់ថ្នាក់ដឹកនាំលោកបានបង្កើតជាក្រុមការងារមនុស្សធម៌នៅក្នុងអង្គភាព ដើម្បីអោយពួកគាត់ចេះសាមគ្គីជួយគ្នាក្នុងអង្គភាពនៅពេលមានមន្រ្តីណាម្នាក់ជួបបញ្ហា៕