ព័ត៌មានជាតិ
ឃាត់ខ្លួនជនសង្ស័យម្នាក់ក្រោយទាញពូថៅកាប់ទៅលើជនរងគ្រោះអោយរងរបួសធ្ងន់
ខេត្តបាត់ដំបង! ជនសង្ស័យម្នាក់ត្រូវបានកម្លាំងក្រុមអន្តរាគមន៍បង្ការបង្ក្រាប ដែលដឹកនាំដោយលោក វរសេនីយ៍ឯក ឈឿង គឹមសុង នាយការិយាល័យនគរបាលព្រហ្មទណ្ឌកម្រិតស្រាល ចុះបង្គ្រាបឃាត់ខ្លួនពាក់ព័ន្ធក្នុងករណីហិង្សាដោយចេតនាមានស្ថានទម្ងន់ទោស ( កាប់ដោយពូថៅ )។
កិច្ចប្រតិបត្តិការខាងលើនេះធ្វើឡើងនៅវេលាម៉ោង ១៩និង៥៨នាទី ថ្ងៃទី២០ ខែធ្នូ ឆ្នាំ ២០២២ នៅចំណុចភូមិរំចេក៣ សង្កាត់រតនៈ ក្រុងបាត់ដំបង ក្រោមការណែនាំបញ្ជាផ្ទាល់ពី លោកឧត្តមសេនីយ៍ទោ សាត គឹមសាន ស្នងការ ក៏ដូចជាមានការសម្រសម្រួលទៅលេីនីតិវិធីពី ឯកឧត្ដម កែវ សុជាតិ ព្រះរាជអាជ្ញានៃអយ្យការអមសាលាដំបូងខេត្តបាត់ដំបងផងនោះ ទើបសមត្ថកិច្ចឈានដល់ឃាត់ខ្លួនជនសង្ស័ុយម្នាក់ឈ្មោះ ភោគ លឹមហៀប ហៅ រ៉ា សន្យា ភេទប្រុស អាយុ ៤៤ឆ្នាំ ស្រុកកំណេីតនៅភូមិវាល ឃុំស្ពឺ ស្រុកចំការលេី ខេត្តកំពង់ចាម បច្ចុប្បន្នស្នាក់នៅភូមិរំចេក៣ សង្កាត់រតនៈ ក្រុងបាត់ដំបង ខេត្តបាត់ដំបង ដើម្បីក៏សាងសំណុំរឿងចាត់ការតាមនីតិវិធី។
គួរបញ្ជាក់ថា កាលពីថ្ងៃទី១៨ ខែតុលា ឆ្នាំ ២០២២ វេលាម៉ោងប្រហែល ២០និង៣០ នាទី នៅចំណុចបន្ទប់ជួលស្ថិតក្នុងភូមិរំចេក៣ សង្កាត់រតនៈ ក្រុងបាត់ដំបង ជនសង្ស័យខាងលើ បានធ្វេីសកម្មភាព កាន់ពូថៅ០១ដេីម ប្រវែងប្រហែល ២,៥ តឹក កាប់ទៅលេីជនរងគ្រោះឈ្មោះ ផាន់ ផឺង ភេទប្រុស អាយុ ៣៩ឆ្នាំ មានទីលំនៅភូមិក្បាលថ្នល់ ឃុំព្រៃខ្ពស់ ស្រុកបវេល ខេត្តបាត់ដំបង បណ្តាលឲ្យរងរបួស មុតរយះសាច់ក្រោមភ្នែក ខណៈអ្នកទាំងពីរមិនធ្លាប់ស្គាល់គ្នាពីមុនទេ មូលហេតុស្រវឹងស្រាទំនាស់ពាក្យសម្តី ។
