ព័ត៌មានជាតិ
សកម្មជនមកពីគណបក្សភ្លេីងទៀន និគណបក្សផ្សេងៗជាង១០០០នាក់ ស្ម័គ្រចិត្តចូលរួមជីវភាពនយោបាយ ជាមួយគណបក្សប្រជាជនកម្ពុជា ស្រុកព្រះនេត្រព្រះ
បន្ទាយមានជ័យ ៖ សកម្មជនមកពីគណបក្សភ្លេីងទៀន គណបក្សហ្វុនស៊ិនប៉ិច គណបក្សខ្មែររួបរួមជាតិ ,គណបក្សLDP រួមនឹងគណបក្សផ្សេងៗទៀត នៅក្នុងស្រុកព្រះនេត្រព្រះ ជាង១០០០នាក់ ស្ម័គ្រចិត្តចូលរួមជីវភាពនយោបាយជាមួយគណបក្សប្រជាជនកម្ពុជា ពិសេសសកម្មជនគណបក្សភ្លេីងទៀន ក្រោយពីចាញ់បោកមេបក្សរបស់ខ្លួនអស់ជាច្រេីនឆ្នាំ និងគ្មានបានលទ្ធផលអ្វីសោះ បានតែដេីរលាបពណ៌ មូលបង្កាចរាជរដ្ឋាភិបាលកម្ពុជាខុសពីការពិត ។
ពិធីប្រកាសទទួលស្គាល់សមាជិកថ្មី របស់គណបក្សប្រជាជនកម្ពុជា នៅស្រុកព្រះនេត្រព្រះ ប្រារព្ធធ្វើឡើងនៅបរិវេណក្លឹបកីឡាសន្តិភាព ស្រុកព្រះនេត្រព្រះ នារសៀលថ្ងៃទី២៩ ខែមិថុនា ឆ្នាំ២០២៣ ។
ថ្លែងក្នុងពិធីនោះឯកឧត្ដម អ៊ុំ រាត្រី ប្រធានគណៈកម្មការគណបក្សប្រជាជនកម្ពុជាខេត្តបន្ទាយមានជ័យលេីកឡេីងថា ៖ គណបក្សប្រជាជនកម្ពុជា មិនដែលទុកឱ្យប្រជាពលរដ្ឋណាម្នាក់ រងទុក្ខវេទនា ស្លាប់ដោយដាច់បាយឡើយ មិនថាទីណាកន្លែងណាក៏ដោយ ក្នុងពេលមានគ្រោះទឹកជំនន់, គ្រោះរាំងស្ងួត គ្រប់ស្ថានភាព គ្រប់កាលៈទេសៈ ថ្នាក់ដឹកនាំគណបក្សប្រជាជនកម្ពុជា តែងនៅក្បែងនិងចុះជួយប្រជាជនជានិច្ច ។
ឯកឧត្ដម អ៊ុំ រាត្រី លេីកឡេីងបន្តថា ក្នុងពេលដែលកម្ពុជាប្រឈមខ្លាំងនឹងវិបត្តិជំងឺកូវីដ-១៩ សម្តេចតេជោ ហ៊ុន សែន ប្រធានគណបក្សប្រជាជនកម្ពុជា តែងនៅជាមួយប្រជាជនជានិច្ច រួមសាមគ្គីគា្នក្នុងការកាត់បន្ថយផលប៉ះពាល់ពីវិបត្តិ និងឈានទៅគ្រប់គ្រងវិបត្តិបានទាំងស្រុង។ ខុសពីបក្សប្រឆាំងដែលតែងតែដេីរសន្យាក្តែងៗ ភូតកុហក បោកប្រាសប្រជាជនថាធ្វេីនេះ ធ្វេីនោះ ថាសង់សាលារៀនឱ្យសិស្ស និង មណ្ឌលសុខភាពជូនប្រជាជន នៅពេលដែលប្រជាជនជួបគ្រោះទឹកជំនន់ ឬ គ្រោះរាំងស្ងួត ពិសេសពេលមានការឆ្លងរាលដាលជំងឺកូវីដ-១៩ មិនដែលមានឃើញគណបក្សប្រឆាំងណាចុះមកជួយប្រជាជនឡេីយ ឃេីញមានតែគណបក្សប្រជាជនកម្ពុជា ដែលដឹកនាំដោយសម្តេចតេជោ ហ៊ុន សែនប៉ុណ្ណោះ ដែលបានខិតខំរិះរកវ៉ាក់សាំងមកចាក់ជូនប្រជាពលរដ្ឋឱ្យរួចផុតពីក្រញាំមច្ចុរាជ ដោយគ្មានការគិតថវិកាមួយកាក់មួយេសនពីប្រជាជនឡេីយ ។
សូមបញ្ជាក់ផងដែរថា សមាជិកថ្មីដែលចូលរួមជីវភាពជាមួយគណបក្សប្រជាជនកម្ពុជា ស្រុកព្រះនេត្រព្រះ មានចំនួន១០៦៦នាក់ ក្នុងនោះមកពីគណបក្ស ភ្លើងទៀន ចំនួន៦១៣នាក់, គណបក្សហ្វុនស៊ិនប៉ិច ចំនួន៣៤៤នាក់, គណបក្សខ្មែររួបរួមជាតិ ចំនួន១៣២នាក់, គណបក្ស LDP, មកពីគណបក្សផ្សេងៗចំនួន៩១នាក់ ៕
