ម៉ូតូពីរគ្រឿងបុកគ្នាពេញទំហឹងបណ្តាលអោយមនុស្សប្រុសស្រី០២នាក់រងរបួសស្រាល

ខេត្តបាត់ដំបង! យ៉ាងហោចណាស់មនុស្សប្រុសស្រីចំនួន០២នាក់បានរងរបួសស្រាលនៅក្នុងហេតុការណ៍គ្រោះថ្នាក់ចរាចរណ៍មួយដែលកើតឡើងរវាងម៉ូតូ០២គ្រឿងបុកគ្នាពេញទំហឹងនៅវេលាម៉ោង០៨និង៥០នាទី ថ្ងៃទី១៨.ខែកញ្ញា ឆ្ឆ្នាំ២០២៣ នៅតាមបណ្តោយផ្លូវលេខ៥ ត្រង់ចំណុចខាងមុខសាលាវិទ្យាល័យព្រះមុនីវង្ស ស្ថិតក្នុងភូមិព្រែកមហាទេព សង្កាត់ស្វាយប៉ោ ក្រុងបាត់ដំបង ។

ប្រភពពីកន្លែងកើតហេតុបានប្រាប់ថា នៅមុនពេលកើតហេតុគេឃើញម៉ូតូម៉ាកហុងដាឌ្រីមC125ពណ៌ខ្មៅមួយគ្រឿងពាក់ផ្លាកលេខ បាត់ដំបង 1M-2298 បើកបរដោយបុរសម្នាក់ ក្នុងទិសដៅពីត្បូងទៅជើង លុះមកដល់ចំណុចកើតហេតុខាងលើ ភ្លាមនោះក៏មានម៉ូតូ០១គ្រឿងផ្សេងទៀតម៉ាកSCOOPYពណ៌ស ពាក់ផ្លាកលេខ បាត់ដំបង 1AP-2804 បើកបរដោយក្មេងស្រីម្នាក់ក្នុងទិសដៅពីជើងទៅត្បូង បើកបរឡើងវ៉ាជែងខ្វះការប្រុងប្រយ័ត្នក៏ជ្រុលចង្កូតទៅបុកគ្នាពេញទំហឹងបណ្តាលអោយរងរបួសស្រាលទាំងពីរនាក់ចំណែកម៉ូតូខូចខាតទាំងសងខាងផងដែរ ។

ក្រោយពេលកើតហេតុសមត្ថកិច្ចជំនាញបានចុះមកដល់ ប៉ុន្តែភាគីទាំងសងខាងបានធ្វើការសម្របសម្រួលគ្នា ដោយភាគីខាងម៉ូតូSCOOPY ព្រមទទួលជួសជុលធ្វើសងអោយខាងភាគីខាងម៉ូតូហុងដាឌ្រីម ដើម្បីបញ្ចប់រឿងផងដែរ។