ព័ត៌មានជាតិ
លោកស្រី ទួន ចន្ទ្រា បំភ្លឺជូនសាធារណៈជនថា អាជ្ញាធរស្រុកគូលែន រាយការណ៍ជូនអភិបាលខេត្តព្រះវិហារ ខុសពីការពិតពាក់ព័ន្ធដីធ្លីឃុំស្រយង់
ព្រះវិហារ៖ លិខិតបំភ្លឺរបស់លោកស្រី ទួន ចន្ទ្រា ជម្រាបសាធារណៈជនថា ពាក់ព័ន្ធនិងឈ្មោះ ប៉ែន ជឹង ត្រូវជាអភិបាលស្រុកគូលែន បានរាយណ៍ការណ៍ខុសការពិតជូនឯកឧត្តម អភិបាលខេត្ដព្រះវិហារ ធ្វើឱ្យមានការភាន់ច្រលំលើរូបលោកស្រីដែលជាជនស្លូតត្រង់។
លោកស្រី ទួន ចន្ទ្រា បានបំភ្លឺថា លោកស្រីមានដីស្ថិតនៅភូមិស្រយង់ ឃុំស្រយង់ ស្រុកគូលែន ព្រះវិហារ ដែលមានទទឹង១០០ម៉ែត្រ និងបណ្ដោយ៤០០ម៉ែត្រ មានលិខិតផ្ទេរសិទ្ធិកាន់កាប់ដីធ្លី ដែលទទួលស្គាល់ពីអាជ្ញាធរភូមិឃុំផងដែរ។
លោកស្រី បានបន្ថែមទៀតថា នៅក្នុងអំឡុងឆ្នាំ ២០១៣ លោកស្រី ជួបគ្រោះថ្នាក់ចរាចរណ៍ ស្រាប់តែមានឈ្មោះ អ៊ួ គួន និងកូនឈ្មោះ អ៊ុក ស្រីអូន ទៅរស់នៅលើដីរបស់លោកស្រី ប៉ុន្ដែត្រូវបានអាជ្ញាធរភូមិប្រាប់ឱ្យចាកចេញប៉ុន្ដែពួកគេមិនព្រមចាកចេញ បន្ទាប់មកមេឃុំស្រយង់ បានទៅប្រាប់បន្ថែមទៀត នៅតែមិនព្រមចាកចេញ និងលើកទី៣ បានឱ្យពួកគេធ្វើកិច្ចសន្យាចាកចេញពីដីរបស់លោកស្រីផងដែរ។ ក្រោមមកក្នុងឆ្នាំ ២០១៧ ឈ្មោះ អ៊ួ គួន និងកូនឈ្មោះ អ៊ុក ស្រីអូន បានធ្វើពាក្យស្នើសុំកាន់កាប់ដីធ្លីលេខ៧៥ ចុះថ្ងៃទី១៧ ខែធ្នូ ឆ្នាំ២០១៧ និងពាក្យស្នើសុំកាន់កាប់ដីធ្លីលេខ១៨២ ចុះថ្ងៃទី១៧ ខែវិច្ឆិកាឆ្នាំ២០១៧ ដែលជាឯកសារក្លែងក្លាយយកទៅប្រើប្រាស់ដើម្បីអះអាង និងខ្ចីប្រាប់ពីធនាគារ។ នៅថ្ងៃទី០១ ខែមិថុនា ឆ្នាំ២០២៣ លោកមេឃុំគូលែនត្បូង សុន កុសល្យ និងមេភូមិគូលែនត្បូង យឹម យ៉េង បានចូលបំភ្លឺដោយបដិសេធចោលពាក្យស្នើសុំកាន់កាប់ដីធ្លីលេខ៧៥ ចុះថ្ងៃទី១៧ ខែធ្នូ ឆ្នាំ២០១៧ និងពាក្យស្នើសុំកាន់កាប់ដីធ្លីលេខ១៨២ ចុះថ្ងៃទី១៧ ខែវិច្ឆិកាឆ្នាំ២០១៧ ចោលវិញទាំងស្រុងដោយពិនិត្យឃើញថា លិខិតដីធ្លីមានភាពខុសប្រក្រតី។ បន្ទាប់ឈ្មោះ អ៊ួ គួន និងកូនឈ្មោះ អ៊ុក ស្រីអូន បាននាំគ្នាចាកចេញពីដីខាងលើនេះ ដោយបានបន្សល់ទុកនៅសំណង់ផ្ទះអាណាធិបតេយ្យចំនួន២ខ្នង ផ្ទះធំ១ខ្នង និងខ្ទម១ខ្ន ។ លុះនៅថ្ងៃទី១៦ ខែតុលា ឆ្នាំ២០២៣ លោកស្រី ទួន ចន្ទ្រា បាននាំគ្នាធ្វើការរុះរើផ្ទះដែលឈ្មោះ អ៊ួ គួន នោះចេញក្នុងគោលបំណងអភិវឌ្ឍន៍ធ្វើដីចំការ ប៉ុន្ដែរុះរើបានតែផ្ទះឈ្មោះ អ៊ួ គួន បានមួយចំនួនតែប៉ុណ្ណោះ ក្នុងគោលបំណងយកឈើផ្ទះនោះ រក្សាទុកឱ្យម្ចាស់គេមកយកគឺឱ្យគេវិញ ។
លោកស្រី ទួន ចន្ទ្រា បានបន្ថែមទៀតថា ពេលគ្នីគ្នាលោកស្រីកំពុងរុះរើស្រាប់តែឈ្មោះ ប៉ែន ជឹង មកសុំលុយពីលោកស្រី ដើម្បីបិទរឿង តែលោកស្រីជាស្ដ្រីមេម៉ាយមិនមានលទ្ធភាពជូនតាមបំណងនៃការទាមទាររបស់លោក ប៉ែន ជឹង ដែលធ្វើឱ្យលោក ប៉ែន ជឹង មិនសុខចិត្ដ ក៏បានធ្វើរបាយការណ៍ជូនទៅអភិខេត្តព្រះវិហារ ជាបន្ដបន្ទាប់ដែលការរាយការណ៍នោះ គឺខុស ពីការពិតទាំងស្រុង ។
បើយោងតាមរបាយការណ៍របស់លោក អភិបាលស្រុកគូលែន ប៉ែន ជឹង ជម្រាបជូនអភិបាលខេត្តព្រះវិហារថា បានចុះពិនិត្យទីតាំងកន្លែងកើតហេតុ ករណីរុះរើដុតបំផ្លាញផ្ទះ និងឈូសឆាយផលដំណាំប្រជាពលរដ្ឋ ចំនួន៦ខ្នងផ្ទះ រុះរើដោយឈ្មោះ ទួន ចន្ទ្រា រស់នៅខេត្តសៀមរាប ជាអ្នកបញ្ជាឱ្យរុះរើផ្ទះប្រជាពលរដ្ឋ ចំពោះផ្ទះរបស់ឈ្មោះ សូ តឿន រុះរើរួចហើយឆេះដោយពុំដឹងមូលហេតុ។ ទាក់ទិនហ្នឹងរបស់លោក អភិបាលស្រុកគូលែន ប៉ែន ជឹង ធ្វើជម្រាបជូនទៅឯកឧត្តម អភិបាលខេត្រព្រះវិហារ ។ លោកស្រី ទួន ចន្ទ្រា បដិសេធច្រានចោលមិនមែនជាការពិតនោះទេ ទាំងដែលការពិតផ្ទះមានតែ២ខ្នង(ផ្ទះធំ១) និងខ្ទម១ប៉ុណ្ណោះ ហើយលោកស្រី ទួន ចន្ទ្រា មិនបានឈូសឆាយ ឫដុតនោះទេ គឺរើដោយដៃទាំងអស់ ។ លោកស្រី ទួន ចន្ទ្រា បានអះអាងទៀតថា នៅថ្ងៃទី១៦ ខែតុលា ឆ្នាំ២០២៣លោកស្រី រុះរើសំណង់អាណាធិបតេយ្យដែលគេទុកចោលនោះ គឺគ្មានប្រជាពលរដ្ឋណាម្នាក់មកហាមឃាត់នោះទេ ព្រោះគេដឹងថា ជាដីរបស់លោកស្រី ។
ពាក់ព័ន្ធបញ្ហានេះ អង្គភាពខ្មែរពិតយើង មិនអាចសុំការបំភ្លឺពីភាគីពាក់ព័ន្ធ បាននៅឡើយទេ ។យើងនិងរងចាំការបំភ្លឺរាល់ពេលបំពេញការងារ៕
សូមអានលិខិតបំភ្លឺរបស់លោកស្រី ទួន ចន្ទ្រា ជម្រាបសាធារណៈជន ដែលមានខ្លឹមសារដូចខាងក្រោម៖
របាយការណ៍របស់លោកអភិបាលស្រុកគូលែន ប៉ែន ជឹង ជម្រាបជូនអភិបាលខេត្តព្រះវិហារ ដូចខាងក្រោម៖
