ព័ត៌មានជាតិ
មន្ត្រីអាវុធហត្ថខេត្តបន្ទាយមានជ័យ ៥៤នាក់ ដល់អាយុសោធននិវត្តន៍ ក្នុងឆ្នាំ២០២៣នេះ
បន្ទាយមានជ័យ ៖ ក្នុងឆ្នាំ២០២៣នេះ មានយោធិនកងរាជអាវុធហត្ថខេត្តបន្ទាយមានជ័យ សរុបចំនួន៥៤នាក់ ដែលត្រូវដល់អាយុសោធននិវត្តន៍ ។
នេះបើតាមរបាយការណ៍សង្ខេប របស់លោកឧត្តមសេនីយ៍ត្រី បោន ប៊ិន មេបញ្ជាការកងរាជអាវុហត្ថខេត្តបន្ទាយមានជ័យ ក្នុងពិធីប្រជុំផ្សព្វផ្សាយការងារសោធននិវត្តន៍ នៃកងរាជអាវុធហត្ថ ឆ្នាំ២០២៤ កាលពីថ្ងៃទី៣០ ខែតុលា ឆ្នាំ២០២៣ នៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ក្រោមអធិបតីភាពលោកឧត្ដមសេនីយ៍ឯក សុិន សូផាន្នី មេបញ្ជាការរង ប្រធានផែនការងារកសាងកម្លាំង និងទំនាក់ទំនងកិច្ចការសាធារណៈ ប្រធានក្រុមទី១ កងរាជអាវុធហត្ថលេីផ្ទៃប្រទេស តំណាងលោកនាយឧត្តមសេនីយ៍ សៅ សុខា អគ្គមេបញ្ជាការរង នៃកងយោពលខេមរភូមិន្ទ មេបញ្ជាការកងរាជអាវុធហត្ថលេីផ្ទៃប្រទេស ។
ក្នុងរបាយការណ៍សង្ខេប បានបញ្ជាក់ថា យោធិន នៃកងរាជអាវុធហត្ថខេត្តបន្ទាយមានជ័យ និងយោធិនដែលត្រូវត្រួតពិនិត្យនាពេលនេះ សរុបមានចំនួន៦៤នាក់ ស្រី០៤នាក់ក្នុងនោះ យោធិនដល់អាយុសោធននិវត្តន៍ ឆ្នាំ២០២៣ មានចំនួន៥៤នាក់ ស្រី០៤នាក់, យោធិនដល់អាយុសោធននិវត្តន៍ ឆ្នាំ២០២៤ ខាងមុខ មានចំនួន ១០នាក់ ផងដែរ ។
មានប្រសាសន៍ក្នុងពិធីនេះដែរ លោកឧត្ដមសេនីយ៍ឯក សុិន សូផាន្នី បានធ្វេីការកោតសរសេីរ ចំពោះយោធិនដល់អាយុសោធននិវត្តន៍ ដែលកន្លងមកបានលះបង់គ្រប់បែបយ៉ាងក្នុងបុព្វហេតុការពារជាតិមាតុភូមិ ដែលបានបន្សល់ទុកនូវស្នារដៃយ៉ាងត្រចះត្រចង់ជូនជាតិមាតុភូមិ រហូតមកដល់ពេលបច្ចុប្បន្ន ។
លោកឧត្ដមសេនីយ៍ឯក បន្តថា ក្រោមការដឹកនាំរបស់ លោកនាយឧត្ដមសេនីយ៍ សៅ សុខា អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងរាជអាវុធហត្ថលើផ្ទៃប្រទេស លោកតែងតែយកចិត្តទុកដាក់ ទៅលេីសុខទុក្ខបងប្អូនដែលជាសោធននិវត្តន៍ ដោយមិនទុកបងប្អូនចោលឡេីយ ពោលគឺ លោកតែតែងជួយទំនុកបម្រុង ដល់គ្រួសារបងប្អូនសោធននិវត្តន៍ជាប្រចាំ ៕