ព័ត៌មានជាតិ
បុរសម្នាក់ ដេកស្លាប់ក្នុងផ្ទះ សង្ស័យខ្យល់គរ
បាត់ដំបង ៖ បុរសម្នាក់ បានដេកស្លាប់យ៉ាងអាណោចអាធ័ម បង្កការភ្ញាក់ផ្អើលនៅវេលាម៉ោង ៦និង០០នាទី ថ្ងៃទី២៨ ខែមិថុនា ឆ្នាំ២០២៣ នៅចំណុចលូដាច់ស្ថិតក្នុងក្រុមទី១ ភូមិស្ពាន ឃុំគាស់ក្រឡ ស្រុកគាស់ក្រឡ ខេត្តបាត់ដំបង ។
សពជនរងគ្រោះមានឈ្មោះ ខាន់ សារ៉ុម ភេទប្រុស អាយុ៤៣ឆ្នាំ រស់នៅភូមិស្ពាន ឃុំគាស់ក្រឡ ស្រុកគាស់ក្រឡ ខេត្តបាត់ដំបង បានដេកស្លាប់ យ៉ាងអាណោចអាធ័ម ។
ក្រោយពេលកើតហេតុ សមត្ថកិច្ចជំនាញបានចុះទៅពិនិត្យកោសល្យវិច័យ និងបានបញ្ជាក់ថា សពជនរងគ្រោះ ពិតជាស្លាប់ដោយសារខ្យល់គរ បន្ទាប់មកក៏បានធ្វើកំណត់ហេតុប្រគល់អោយសាច់ញាតិយករៀបចំធ្វើបុណ្យតាមប្រពៃណី ៕
ដោយ ៖ សាលី